ये काम ल वन बेभाग पहिली करतिस त बच जातिस युवक के जान…..

पद्मिनी मरावी, कोरिया। बैकुंठपुर वन मंडल के वन परिक्षेत्र बैकुंठपुर के सलबा म सोमवार के बिहनिया हाथी के दल  ह एक युवक के निरमम हत्या कर दीस। ए घटना के बाद  मंगलवार के बिहनिया सरगुजा संभाग वन वृत्त के सीसीएस केके बिसेन समेतत वन विद्यालय अंबिकापुर के 40 सदस्य के टीम बैकुंठपुर के सलबा पहुंचिस । जिहां उमन बसाहट  ले हाथी के झुंड  ल अलग करे बर पूरा वन क्षेत्र म बैरिकेटिंग लगाय के कार्य सुरू करिस। ये कार्य ह  संझा देर तक  चलिस।  

अंबिकापुर वन वृत्त सीसीएफ केके बिसेन ह बताइस के सोमवार के घटना के बाद पूरे क्षेत्र म बेरिकंटिंग लगाय के निरनय लेय गिस। एखर ले बसाहट के क्षेत्र मन हाथी मन क आमद रुक जाही।  आघू उमन कहिन  के बेरिकेटिंग के संग छेड़छाड़ करइया  मन  ल बख्शा नइ जाए । गउरतलब हे के हाथी के दल  ह 3 माह पहिली केल्हारी वनपरिक्षेत्र के डिप्टी रेंजर के निरमम हत्या कर दे रिहिस हे।  बैकुंठपुर वन परिक्षेत्र के वन परिक्षेत्र अधिकारी अखिलेश मिश्रा ह  बताइस के बीते 1 सप्ताह के दउरान 11 हाथी के ए दल  ह लगभग 40 किसान मन के फसल मन ल नष्ट कर दे रहिस हे। अउ  कुछु  एक मकान ल तोड़ दय रहिस हे।  सोमवार के एक युवक के निरमम मउत के बाद सबो प्रकरन मन ल  तइयार कर अग्रिम कार्रवाई करे जात हे।  अउ 1 सप्ताह के भीतर सबो प्रकरन मन म लगभग 9 लाख के रासि संबंधित  मनख मन के बैंक खाता म डाल दे जाही।