कांकेर। सीएम रमन सिंह अटल विकास यात्रा म जिला के पखांजूर पहुंचे रहिस हे। ये बीच एक दिलचस्प नजारा घलो देखे बर मिलिस हे , जब संविलियन के मांग पूरा होय के खुसी म काफी संख्या म सिक्छाकरमी घलो सभा स्थल के तीर लगे विभागीय पंडाल के पास पहुंचिन अउ सीएम रमन सिंह ल पखांजुर के फेमस रसगुल्ला म तउल कर संविलियन बर उंखर सुक्रिया अदा करिस।
सिक्छाकरमी संघ के जिलाध्यक्छ स्वदेश शुक्ला ह चरचा के दउरान बताइस के सीएम रमन सिंह ह उंखर कई बछर पुराना मांग ल पूरा करे म आभार जतात हुए क्षेत्र के फेमस मिठाई रसगुल्ला ले उमन ल तउलिस हे। ये दउरान सिक्छाकरमी ह रमन सिंह जिंदाबाद के नारा घलो लगाइस।
सीएम ल मांग पत्र घलो सउपिस
सीएम रमन सिंह ह 110 किलो रसगुल्ला ले तौले गिस। सिक्छाकरमी मन ह ये बीच म सीएम ल एक मांग पत्र घलो सउपिस हे, जेमा वेतन विसंगति दूर करे के अउ सिक्छाकरमी मन के परिवार ल अनुकम्पा नियुक्ति के सुविधा देय संबंधी मांगे सामिल हे।
