ये तारीख के हो सकत हे विधान सभा चुनाइ के घोसना

रायपुर। छत्तीसगढ़ मध्यप्रदेस सहित चार राज्य मन म विधानसभा चुनाइ के उलटी गिनती सुरू हो गिस हे। चुनाव आयोग आघू कुछु दिन मन म तारीख के ऐलान कर सकत हे। चरचा हे के ये शुक्रवार के चुनाव की घोसना हो सकत हे। तारीख मन के घोसना के संग आचार संहिता लागू हो जाही। चुनाइ आयोग ह अंतिम दउर के तइयारी पूरी कर लीस हे।
छत्तीसगढ़ समेत चार राज्य मन म होवइया विधानसभा चुनाइ के आचार संहिता इहीं हफ्ता म लागू होय के संभावना जताय जत हे । हाल ही म चुनाइ आयोग ह मतदाता सूची के अंतिम प्रकासन कर दिये हे, जबकि ईवीएम अउ वीपीपैट के जांच के काम घलो पूरा हो गेहे। येखर अलावा चुनाइ ड्यूटी म लगइया करमचारी मन के डेटाबेस घलो तइयार कर लेय गिस हे। माने जात हे के अक्टूबर के पहिली सप्ताह म ही चुनाइ के तारीख घलो घोषित कर दे जाही। नवंबर अंत म अथवा दिसंबर के पहिली सप्ताह म घलो चुनाइ हो सकत हे। मध्यप्रदेस, छत्तीसगढ़, राजस्थान अउ मिजोरम म एक संग चुनाइ कराय जाही। छत्तीसगढ़ म संभवत: दू अउ मध्यप्रदेस म तीन चरन म चुनाइ हो सकत हे। संभावना हे के चुनाइ के अधिकतम पांच चरन म हो सकते हे।
पाछु के अनुभव मन अउ तइयारी मन ल देखत हुए चुनाइ आयोग चार अक्टूबर के या उंखर के बाद कभु चुनाइ के तारीख घोसित कर सकत हे। सूत्र मन के कहिना हे के आमतउर म चुनाइ आयोग शुक्रवार के चुनाव के तइयारी मन के ऐलान करथे। येखर सेती 5 अक्टूबर के शुक्रवार होय के कारन ये दिन आचार संहिता लागू होय के संभावना घलो व्यक्त करे जात हे । पाछु दिन मन मुख्य चुनाइ आयुक्त ह चुनाइ वाले राज्य मन के दउरा कर सबो दल मन ले बातचीत करके चुनाइ के तारीख म चरता करे रहिस हे । पार्टी मन ह चाहत हे के वोटिंग ले पहिली ही 7 नवंबर के दीपावली अउ 21 नवंबर के ईद के त्योहार संपन्न हो जाही, ये कारन जादा ले जादा लोगन मतदान म हिस्सा ले पाही
उल्लेख के बात हे के आचार संहिता लगे के संभावना ल देखत हुए बड़ राजनीतिक दल भाजपा अउ कांग्रेस पहिली ही चुनाइ मोड म आ चुके हे। छत्तीसगढ़ म साल 2013 के चुनाइ 11 अउ 19 नवंबर के होय रहिस हे। ये बार दीपावली के कारन तारीख आघू हो सकत हे। माने जात हे के विधानसभा चुनाइ 2018 म ही अक्टूबर के पहिली सप्ताह म चुनाइ के तारीख के घोसना कर दे जाही।