ये यूनिवरसिटी के कैंटीन म खाद्य वेभाग ह मारिस छापा….

रायपुर। छत्तीसगढ़ के राजधानी रायपुर के हिदायतुल्ला नेशनल लॉ यूनिवरसिटी के कैंटीन म गुरुवार के खाद्य विभाग ह छापा मारिस। ये दउरान कैंटीन म भारी गंदगी मिलिस। एक ठन कमरा म साकाहारी अउ मांसाहारी खाना बनाय जात रहिस हे। छात्र मन ह कैंटीन म गंदगी के बीच खाना बनाय के सिकायत करे रहिन हे। खाद्य वेभाग के टीम ह कार्रवाई करत हुए खाय के सबो आइटम के सैम्पल लिय हे। यूनिवरसिटी के छात्र कुलपति ल हटाय समेत बेवस्था ल सुधारे के मांग लेके धरना म बइठे हे।
धरना म बइठे छात्र कुलपति सुखपाल सिंह के इस्तीफा के मांग करत हवय। उमन ह कुलपति सिंह उपर करोड़ों रुपिया के भ्रस्टाचार के आरोप लगाय हे। स्टूडेंट बार काउंसिल ह कुलपति उपर छात्रामन के सोसन करइया प्रोफेसर के संरक्छन देय के घलो आरोप लगाय हे। संग ही, कुलपति उपर ऑडिट रपट दबाय के घलो आरोप लगाय हे।