ये शंकरकंद के लंबाई 2 फीट अउ चौड़ाई 2.5 फुट हे …. वजन ल झन पूछव ….25 किलो

रायपुर। का आप मन 25 किलो के शंकरकंद देखे हव.…त आप मन के एक ही जवाब होही… नइ। लेकिन हम आप मन ल कोंडागांव के रामकृष्ण सेवा समिति आश्रम डीएनके वार्ड के  रहइया एन शिंदे के निवास  म ले चलथन, जिहां एक भारी-भरकम शंकरकंद मिले हे। एखर वजन 25 किलो, लंबाई 2 फीट, चौड़ाई 2.5 फुट हे। जबके शकरकंद सामान्य तउर म 100 ग्राम ले डेढ़ किलो तक के होथे।

ए शंकरकंद ल एन. शिंदे ह अखिल भारतीय युवा सम्मेलन नारायणपुर के कार्यक्रम म 17 ले 20 नवंबर के प्रदर्शित करिन। उमन ह बताइन के ए शंकरकंद ल अपन डीएनके स्थित निवास स्थान म रेत म 6 महीना पहिली बोय रहिस हे जे आज 25 किलो के हो चुके हे।