रमन के रोड सो म लोगन के हुजूम उमड़ पड़िस…. घर के छत मन भी उंखर अभिवादन करे बर खड़े रहिस हे जनता

दुर्ग/भिलाई। विधानसभा चुनाव म भाजपा ह सत्ता म काबिज होय बर जोर लगावत हे। सीएम रमन सिंह लगातार सभा अउ रोड-सो करत हे । डॉ रमन सिंह ह दुर्ग अउ भिलाई म रोड-सो करके उम्मीदवार मन के पक्ष म वोट मांगिस। रमन सिंह के रोड-सो म भारी संख्या म लोगन मवजूद रहिन हे। सड़क मन म लोगन क हुजूम उमड़ पड़िस हे।
घर के छत मन म घलो जनता उंखर अभिवादन करे बर खड़े रहिस हे। सीएम के काफिला सबले पहिली दुर्ग सहर म रथ म सवार होके निकलिस। जेमा भारी संख्या म भीड़ सामिल रहिन हे । दुर्ग म रोड-सो के सुरुआत रविशंकर स्टेडियम होस हे जे ह पुराना बस स्टैंड म जाकर रुकीस। अइसने भिलाई सहर म रोड-सो जेल तिराहा ले सुरू होइस हे अउ नंदनी रोड होवत हुए छावनी चउक तक गिस। एखर बाद सीएम के काफिला वैशालीनगर पहुंचिस अउ शीतल काम्प्लेक्स ले रोड-शो निकलिस जे नेहरू नगर गुरुद्वारा तक गिस।
15 मिनट बाद अंगूठी मिलीस सीएम के अंगूठी
दूसरे चरन के चुनावी प्रचार-प्रसार म मुख्यमंत्री रमन सिंह दुर्ग अउ भिलाई पहुंचिन। भिलाई म सीएम के रोड सो के दउरान ओ बेरा म हड़कंप मच गिस , जब मुख्यमंत्री के अंगूठी गुम होगिस। रइली म मवजूद पुलिस के अधिकारी अउ करमचारी मन ए बात के खबर मिलत ही हलचल मच गिस। काफी ढूंढे के 15 मिनट बाद अंगूठी मिल घलो गिस। जिहां सीएम के अंगूठी गुमीस उहां मुख्यमंत्री 15 मिनट तक रुके रहिन अउ इधर-उधर नजर दउड़ात रहिन। पुलिस के अधिकारी मन ह कुछु देर के कड़ी मसक्कत कर के बाद अंगूठी खोज निकालीस तब जाके सबो झन राहत के सांस लीस।