रमन जा ही दिल्ली…पार्टी ह नवां नेतृत्व तइयार करे के मूढ़ म

रायपुर। छत्तीसगढ़ अउ मध्य प्रदेस म चुनाव हारे के बाद बीजेपी इन दूनों बड़े नेता मन ल राज्य म विपक्ष का नेता बनाए के बजाय दिल्ली भेजे के तइयारी करत हे।  एमपी के पूर्व सीएम शिवराज सिंह चौहान अउ छत्तीसगढ़ के पूर्व सीएम रमन सिंह ल लोकसभा चुनाव लड़ाए के प्लान बनाय जात हे।  पार्टी सूत्र के तर्क हे के दूनों ही नेता मनल ह 12अउ15 साल तक राज्य म सरकार चलाइस हे। पार्टी अब चाहत हे के  नवां लीडरशिप आघू आवय। ताकि जब अगला विधानसभा चुनाव होवय त पार्टी नवां सेनापति मन केसंग  मइदान म उतरय।

छत्तीसगढ़ म कौशिक ल प्रतिपक्ष के नेता बनाए ले ए साफ संकेत हे के  अब रमन सिंह ल राज्य के राजनीति ले निकाल के केंद्र म लाए जाही। ए लगभग तय हो चुके हे के उमन ल लोकसभा के चुनाव लड़ाय जाही।  एखर ले पार्टी ल लोकसभा चुनाव के बेरा म छत्तीसगढ़ के अन्य सीट म घलो फायदा मिलही। अउ अगर बीजेपी सत्ता म लउट ही त उमन ल मंत्री पद देय जा सकते हे।

गउरतलब हे के छत्तीसगढ़ म लगातार तीन बार सत्ता म रहे के बाद ए बेर  बीजेपी ल राज्य म करारी हार के सामना करना पड़त हे। दिल्ली ले शुक्रवार सुबह पहुंचे सुपरवाइजर के मउजूदगी म धरमलाल कौशिक ल विधायक दल के नेता चुन लिय गे हे। कौशिक ल डॉ. रमन सिंह ग्रुप के ही नेता माने जाथे। ए वजह ले  पार्टी म विरोधी गुट खुलकर नाराजगी जतात हवय।  पार्टी सूत्र मन के कहिना हे के सीनियर विधायक ब्रजमोहन अग्रवाल अउ ननकीराम कंवर के समर्थक खुलके अपन नाखुशी जाहिर कर रहत हवय। उंखर  कहना हे के कौशिक जब चुनाव जीतिस त उमन ल विधानसभा के स्पीकर बना देय गिस। पाछू बेर खुद चुनाव हार गे त उमन ल प्रदेश बीजेपी के अध्यक्ष बना देय गिस। अ बेर बार उंखर अध्यक्षता म पार्टी ह चुनाव लड़िस अउ  बुरी तरह ले हार गेस  एखर बाद भी उमल  प्रतिपक्ष के नेता बनाके पुरस्कार देय गिस।