राजनांदगांव …. जवान अउ नक्सली मन के आमना-सामना … मुठभेड़ के बाद नक्सली मउका ले  फरार

राजनांदगांव। जिला ले  एक बड़ खबर आवत हे। इहां पुलिस बल के जवान अउ नक्सली मन के बीच म मुठभेड़ होइस हे। मुठभेड़ के बाद नक्सली मुउका ले  फरार होगे। ।  घटना स्थल ले जवान मन ह दैनिक उपयोगी सामान अउ नक्सली साहित्य बरामद करिस हे। । फिलहाल कोनो के हताहत होय के कोनो खबर नइए।  एडिशनल एसपी वायपी सिंह ने एखर पुष्टी करिस हे। ।

मिली जानकारी के मुताबिक जिला पुलिस बल के जवान शुक्रवार के बिहनिया गातापार थाना के मलैदा-धीरीमुरुम जंगल म सर्चिंग बर निकले रहिन हे। इहीं दउरान नक्सली मन ह  जवान मन उपर फायरिंग कर दीस। जवान मन ह जवाबी कार्रवाई करत हुए मोरचा संभालिन। लगभग एक घंटे तक दूनों ओर ले फायरिंग चलत रहिस। जवान मन के जवाबी कार्रवाई के आघू नक्सली मन टिक नइ पाइस। अउ मउका ले फरार होगे। घटना स्थल म सर्चिंग के बाद जवान मन ल  भारी मात्रा म दैनिक उपयोग के सामान अउ नक्सली साहित्य मिलिस। एहतियात के तउर  म इलाका म सर्चिंग तेज कर दे गेहे।