राम तेरी गंगा मैली हो गई कांग्रेसियों के पाप धोते –धोते…… पत्रकार मन ले चरचा करिन सांसद मनोज तिवारी ह

रायपुर। एकात्म परिसर म शुक्रवार के सांसद मनोज तिवारी ह पत्रकार मन ल संबोधित करत हुए कहिन के भारतीय जनता पार्टी देस के अइसे पारटी हे जेखर उपर जनता विस्वास करथे। छत्तीसगढ़ म किसान मन ल धान क बोनस 300 रुपिया प्रति क्विंटल देय जात हे। 2070 रूपिया म धान खरीदे जात हे। ये नरेंद्र मोदी के सोच हे, जेला रमन सिंह ह सबले पहिली किसान मन ल लाभ देवत हे। राज्य म 9 वी क्लास के लइका मन ल घलो सायकिल देय जात हे। आघू मनोज ह कहिन के कांग्रेसी मन ह गंगा जल के बात करिस त मोला हंसी आ गिस। मोला बिलासपुर म कोनो कहिन के राम तेरी गंगा मैली हो गई कांग्रेसियों के पाप धोते -धोते।
हमन कहिथन के जय श्रीराम, हर धरम के सम्मान करथन। मैं ह सोनिया गांधी ले कहे के सोनिया ल छट के पूजा करना चाही त वो ह मोर घर म पत्थरा फेंकवा दिस। तिवारी ह नवजोत सिंह सिद्धू के बारे म कहिन के वो ला भारत ले अच्छा पाकिस्तान लगता हे। उमन पाकिस्तान ल गले लगाय म मजा आवत हे। आम आदमी पार्टी के बारे म कहिन के ये पार्टी नक्सली मन के पारटी हे। ये नरेंद्र मोदी ल अरबन के नक्सली मन के संग मिलके मारे के कोसिस करथे। आम आदमी पारटी गुंडमन के पारटी हे। भाजपा के साथ दे अउ रमन सिंह ल चुनव । कांग्रेस और आम आदमी पारटी एक ही थाली के चट्‌टे बट्टे हे।