रायपुर …ए वजह ले मतगनना के दउरान होही हंगामा अउ विवाद

रायपुर। छत्तीसगढ़ विधानसभा चुनाव परिनाम ल लेके सबकी उत्सुकता हे। 11 दिसम्बर के होनवइया मतगनना बर पुलिस ह तगड़ी सुरक्षा बेवस्था कर रखे हे। रायपुर के सबो सीट हाई प्रोफाइल माने जाथे। लिहाजा इहां के सीट मन सबो दलों बर प्रतिष्ठा के प्रस्न हे। ए वजह ले मतगनना के दउरान हंगामा होय के आसंका हवय हे। एखर मद्देनजर मतगनना के दउरान कोनो तरह के हंगामा, उत्पात रोके बर सबो जिला के पुलिस अधीक्षक मन के सहयोग बर अतिरिक्त अधिकारी मन के  तइनाती करे गेहे। ये अधिकारी मतगनना के बेरा म जिला म मवजूद रहही अउ  पुलिस अधीक्षक मन के सहयोग करही।

रायपुर म सबले जादा 8 अतिरिक्त अधिकारी मन तइनात करे गेहे। एखर अलावा रायपुर के हाई प्रोफाइल सीट मन के मतगनना के दउरान हो सकत हे हंगामा। उत्पात रोके बर अतिरिक्त पुलिस फोर्स  के पुख्ता बेवस्था करे गेहे।

हंगामा के आसंका

विधानसभा चुनाव शांतिपूर्ण निपटे हे, लेकिन परिणाम ल लेके विरोध व हंगामा होए के आसंका हे। प्रदेस म ए दफा भाजपा-कांग्रेस के अलावा छत्तीसगढ़ जनता कांग्रेस व अन्य दल घलो मइदान म हे, जेखर ले मतगनना के दउरान विरोध अउ हंगामा के आसार हे। पुलिस अन्य स्थान मन म घलो सुरक्षा के लिहाज ले नजर रखे जाही।