रायपुर के रुबीना खान मिस इंडिया फर्स्ट रनर अप

रायपुर । एलीट क्लब  ह दिल्ली म मिस एण्ड मिसेज इंडिया कांटेस्ट आयोजित करिस हे, जेमा रायपुर के रुबीना खान मिस इंडिया फर्स्ट रनर अप रहींस। येखर संग रुबीना ल मिस छत्तीसगढ़ के खेताब घलो हासिल होइस हे। स्परधा म ए सफलता हासिल करे के बाद बुधवार के रुबीना अपन सहर रायपुर पहुंचिस।

पंडरी के रहइया रुबीना के पिता रियाजुल खान बेटी के ए उपलब्धि  म बात करत हुए कहिन के रुबीना सुरू  ले ही ब्यूटी कॉन्टेस्ट म हिस्सा लेवत रहीस हे। बचपन  ले ही ओला मॉडलिंग के शउक हे।

एलीट क्लब दिल्ली म 17ले 19 नवंबर तक चले  ब्यूटी कॉन्टेस्ट के ग्रैंड फिनाले के बाद उमन ल फर्स्ट रनर अप मिस इंडिया के खिताब मिलिस हे। 21 बछर के रुबीना राजधानी के समता कॉलोनी स्थित अग्रसेन इंटरनेशनल कॉलेज म बीबीए के छात्रा हे। रुबीना ल ए  स्परधा म मिस ब्यूटीफुल बॉडी के खिताब घलो मिलिस हे।