रायपुर । रायपुर नगर निगम ह स्वच्छता के प्रति लोगन मन ल जागरुकता लाए बर कचरा महोत्सव के बाद एक नवा पहल शुरू करे हवय। निगम ह बीएसयूपी कालोनी मन के मझोत म एक अनूठा प्रतियोगिता शुरू करे हे। ऐखर नाम ‘ मोर मोहल्ला-साफ मोहल्ला ‘ दे गेहे। ए अभियान के आगाज रविवार के महापौर प्रमोद दुबे ह करिस हे।
अभियान म बीएसयूपी कालोनी मन म कमेटी बनाए गेहे। हर रविवार के समय निकाल के तीन घंटा कालोनी के साफ-सफाई करे जाही। जे ह हर सप्ताह ए कालोनी मन के मझोत म प्रतियोगिता कराही। विजेता कॉलोनी ल ट्रॉफी देकर सम्मान करे जाही।
महापौर प्रमोद दुबे ह मोर मोहल्ला-साफ मोहल्ला अभियान के जोन क्रमांक 6 म स्थित बीएसयूपी कालोनी ले करिस हे। महापौर दुबे खुद कालोनी के नाली साफ करत नजर आइस । महापौर ल कालोनी के सफाई करत देखके पांच कोरी
मनखे मन अभियान ले जुड़ीस अउ सफाई म अपन अहम योगदान दिस। बता दन कि हाल ही म रायपुर नगर निगम के स्वच्छता जागरुकता लाए बर कचरा महोत्सव के शुरुआत होय रिहिस हे। जेकर पीएम नरेंद्र मोदी ह मन के बात म प्रशंसा करे रहिस हे।
