राष्ट्रीय व्यापार मेला….. स्टॉल डी-15 बनिस लोगन म  चरचा के विषय……..जानव  वजह

 बिलासपुर। छत्तीसगढ़ के न्यायधानी म ए  दिन म राष्ट्रीय व्यापार मेला लगे हुए हे।  व्यापार मेला म लगे  सबो स्टाल जिहां लोगन के धियान अपन ओर खींचत हे। उहें मेला म लगे एक स्टॉल डी 15 लोगन मन म चरचा के विषय बने हुए हे। ए स्टाल ह पत्नी पीड़ित पुरुष मन बर लगाय गेहे। इहां मवजूद लोगन पत्नी ले परेसान लोगन मन ल  सलाह देवत हे। उहें गउर करे वाले बात हे के पुरुष स्टाल म पत्नी ले परेशान लोगन मन ह इहां पहुंच के परामर्स लेवत हे। 

बिलासपुर राष्ट्रीय व्यापार मेला म सबो स्टॉल अपन विविधता अउ जरूरत मन ल लेके  पहुंचइया मन ल खासा प्रभावित करत हवय,  लेकिन पहिली बार एक अइसे स्टॉल घलो  देखे बर मिलिस हे, जिहां पहुंचइया अइसन लोग हे, जे अपन पत्नी के प्रताड़ना ले खासा परेशान होय के बात कहत हवय। स्टॉल क्रमांक डी-15 म स्टॉल संचालक मन के माध्यम ले पत्नी पीड़ित पुरुष मन ल प्रताड़ना ले छुटकारा पाए बर निःसुल्क परामर्स अउ मदद देवत हे।

सेव इण्डियन फैमिली यूनियन के अध्यक्ष विकास परिहार के दावा हे के पाछू  के तीन दिन म पांच सौ ले अधिक पत्नी प्रताड़ित पति मन के अलावा युवा मन ल घलोक पत्नी मन के  प्रताड़ना ले बचे अउ छुटकारा पाए के  परामर्स देय गेहे। सेव इण्डियन फैमिली स्टाल संचालक मन ह बताइन के स्टॉल म महिलावादी कानून मन के दुस्परिनाम मन के संग पुरुष मन के  पीड़ा जाहिर करइया पोस्टर्स अउ प्रोजेक्टर के माध्यम ले पत्नी ले  मिले प्रताड़ना के तउर तरीका मन के बारे म बताय जात हे।

व्यापार मेला म लगे हे सेव इण्डियन फैमिली यूनियन के स्टाल

सेव इण्डियन फैमिली यूनियन द्वारा संचालित स्टाल संचालक मन के अनुसार व्यापार मेला स्थल म मुख्यमंत्री भूपेश बघेल ल देस म “पुरुष आयोग” के स्थापना अउ महिलावादी कानून मन म सुधार बर  ज्ञापन देय गेहे। खुद ल पत्नी पीड़ित बताइया मनीष शर्मा अउ दिनेश कुमार के कहिना हे के स्टॉल म आए ले उमन ल कानून संबंधी कई अहम जानकारी मन मिले हे।  एखर लाभ उमन ल मिलही।