राहुल गांधी के नेतृत्व म होइस जीत : भूपेश

रायपुर। प्रदेस म चुनावी रुझान मन म कांग्रेस ल मिलत स्पष्ट बहुमत के बाद प्रदेस कांग्रेस कमेटी के अध्यक्ष भूपेश बघेल ह कहिन के छत्तीसगढ़ समेत अन्य राज्य मन म जिहां घलो कांग्रेस ह जीत हासिल करन हे वो राहुल गांधी के नेतृत्व म होइस हे।  राहुल गांधी के मेहनत, मार्गदर्शन  अउ रणनीति के ही नतीजा हे के आज छत्तीसगढ़  म हमन 15 साल के कुसासन ल खत्म करे म सफलता अर्जित करेन। उहें रुझान म बहुमत के ओर बढ़त कांग्रेस ल देख पार्टी कार्यकर्ता म खासा उत्साह देखे गेहे। प्रदेस कांग्रेस कार्यालय राजीव भवन म ढोल-ताशा बजत हे।  उहें कार्यकर्ता ढोल के धुन म थिरकत नजर आवत हे। बता देन के प्रदेस म कांग्रेस 65 ले अधिक सीट मर आघू चलत हे। उहें भाजपा के सीट महज 15 म ही सिमटत  नजर आवत हे।  हालांकि अभे मतगणना जारी हे। परिणाम म आंसिक फेरबदल होय के संभावना बने हुए हे।  हैरानी के बात ए के प्रदेस के आधा दर्जन ले अधिक मंत्री घलो पीछे चलत हे।