राहुल गांधी ले मुलाकात करही टीएस सिंहदेव….

रायपुर। प्रदेस म नवां मंत्रिमंडल बर दिल्ली म शनिवार के मंथन  कर जात हे।  एखर बर मुख्यमंत्री भूपेश बघेल दिल्ली म ही मउजूद हवय। मंत्रिमंडल के गठन ल लेके चरचा कर चयन करे बर मंत्री टीएस सिंहदेव ल शुक्रवार के दिल्ली ले बुलावा आय हे। श्री सिंहदेव आज नियमित फ्लाइट ले दिल्ली रवाना हो गिस हे।  आज सीएम भूपेश बघेल अउ मंत्री टीएस सिंहदेव पार्टी के अध्यक्ष राहुल गांधी ले मुलाकात करही।  

चरचा….प्रदेश कांग्रेस के कमान धनेन्द्र या करुणा  ल

राहुल के संग बइठक म प्रदेस कांग्रेस अध्यक्ष के पद ल लेके घलो चरता करे जा सकत हे। हालांकि पहिली प्राथमिकता मंत्रिमंडल को होही। बता दन के मुख्यमंत्री भूपेश बघेल अभु पीसीसी अध्यक्ष हवय। मुख्यमंत्री बने के बाद उमन ए पद छोड़ दिही। । अइसे म पार्टी संगठन के कमान काला सउपे जाए, ए घलोक  बड़े सवाल हे। चरचा हे के मुख्यमंत्री डॉ. रमन सिंह के खेलाफ चुनाव म दमदार उपस्थिति दरज कराइया करुणा शुक्ला ल प्रदेस कांग्रेस के कमान सउपे जा सकत हे।  यदि अइसे होत हेत कांग्रेस के इतिहास म पहिली बारअइसे हो ही के जब प्रदेस कांग्रेस अध्यक्ष पद म महिला  काबिज हो ही।  एखर संगे संग धनेन्द्र साहू के नावं के घलोक चरचा हे। उमन पार्टी के वरिस्ठ नेता होए के संग पूर्व प्रदेश अध्यक्ष हवय। संगठन ल संभाले के अनुभव घलोक हे।