रेंजर उपर कार्रवाई के मांग ल लेके मोरचा खोलिस विधायक रेखचंद जैन

 जगदलपुर । बस्तर संभाग के सामान्य सीट जगदलपुर के कांग्रेस विधायक रेखचंद जैन ह धरना म  बइठ गेहे।  उमन ह वन विभाग के रेंजर अशोक सोनवानी उपर 168 मजदूर मन के 1500 दिन के मजदूरी के गबन के आरोप लगावत हे।

  रेंजर उपर कर्रवाई करे के मांग ल लेके  विधायक रेखचंद जैन  स्थानीय फॉरेस्ट ऑफिस म धरना म  बइठ गेहे। मिली जानकारी  म  मामला म भुगतान म भारी अनियमितता के आरोप आघू आवत हे।  मजदूर मन ल  264 रुपिया  प्रति मजदूरी देय  जाथे। जेखर भुगतान अब्बड़ बेरा ले  नइ करे गेहे। मामला म आरोपी वन विभाग के रेंजर अशोक सोनवानी कांगेर घाटी नेशनल फारेस्ट म पदस्थ हवय।  उंखर कार्यालय के दउरान 60 ले जादा हिरन मन के मउतल लेके  घलो उमन विवाद म रहे हे।

बहरहाल तत्काल मजदूरी भुगतान अउ रेंजर उपर कार्रवाई के मांग ल  लेके जगदलपुर के नवनिर्वाचित कांग्रेस के विधायक रेखचंद जैन ह मोर्चा खोल दे हे।  वन विभाग के सीसीएफ डॉ. बीपी नोनहारे ह रेंजर अशोक सोनवानी के कार्य म अनियमितता के चलत निलंबित करे के  बात कहे हे।