….. रोजेच कुछु न कुछु नवां बहाना ढूंढ लेथे पुनिया ह ..काबर कहिन कौशिक ह

रायपुर। भाजपा प्रदेशाध्यक्ष धरमलाल कौशिक ह कांग्रेस प्रदेश प्रभारी पीएल पुनिया उपर करारा वार करत हुए कहिन के अपन निश्चित हार बर  पुनिया हर दिन कुछु नवां बहाना ढूंढ लेथे। कभु ईवीएम हैकिंग के बात करत हे त छेड़छाड़ा कोय के बात करथे। आघू  उमन कहिन के कांग्रेस मुंगेरी लाल के हसीन सपना देखत हवय जे पूरा होवइया नइए।

उमन कहिन के मुख्यमंत्री डॉ. रमन सिंह के नेतृत्व म हम चउथी बार  एक लक्ष्य आधारित सरकार बनाय बर जात हन।  जनता ह हमन ल पूरा परदेस म  व्यापक जन समरथन देय हे।  विकास के योजना मन उपर मुहर लगात हमन ल सरकार बनाय के आशीर्वाद दिस हे, जेखर फइसला 11 दिसम्बर के हो जाही। श्री कौशिक ह कहिन के परदेस के जनता भलीभांति समझत हे के कांग्रेस राष्ट्रीय  अउ परदेश  नेतृत्व भ्रम रोग के सिकार हो चुके हे अउ  परदेश के हर मोहल्ला म कांग्रेस के कई मुख्यमंत्री पद के दावेदार मन के कतार हे।

भाजपा अध्यक्ष कौशिक ह कहिन के  जब परिवार म एका नइ हो सकय त समाज म मजबूती नइ आ सकय कुछु अइसने हालात कांग्रेस के हे। परदेस म कांग्रेस नेतृत्व अभउ ले अपन आला कमान के आघू हार ले उठे सवाल मन ले बचे के  बहानेबाजी के रद्दा खोज डरे हे।

श्री कौशिक ह कहिन के ए पहिली बार नइए, जब भी कांग्रेस हारथे त वो ह ईवीएम के दोष देय लगत हे। कांग्रेस  के परिनाम पहिली ले ए जान चुके हेके हमन ल हार के मुंह देखे बर पड़ही। श्री कौशिक ह कांग्रेस ल एक अच्छा विपक्ष के भूमिका निभाय बर तइयार रहे के नसीहत अउ शुभकामना घलोक दीस हे।