लापता व्यापारी को  हथौड़ा मार के करे गिस हत्या …. पुलिस जांच म जुटीस

रायपुर। मौदहापारा ले लापता स्क्रेब कारोबारी के शव आज बिहनिया  ग्राम तेंदुआ स्थित खार म मिलिस। सूचना म कबीर नगर पुलिस सहित आला अधिकारी मउका म पहुंचिन।  घटनास्थल के मुआयना करे के बाद पुलिस ह  मउका म  हथौड़ा मिलिस हे।   पुलिस ह बताइस के हथौड़ा ले  मारके युवक के हत्या करे गेहे।  मामला म पुलिस ह मर्ग कायम कर शव ल पोस्टमार्टम बर  भेज दिस हे।

कारोबारी मो. सिराज के परिजन अपहरन के आसंका जताए रहिस हे।  परिवार वाला मन के  सिकायत म पुलिस ह मामला दर्ज कर जांच सुरू करे रहिस हे। मौदहापारा के रहइया मोहम्मद सिराज स्क्रैप के कारोबार करत रहिस हे। सोमवार के संझा लगभग 7 बजे घर ले सामान खरीदे बर 3 लाख रुपिया लेके निकलिस हे, लेकिन देर रात तक घर नइ लउटिस। परिजन मन ह जब उंखर ले संपर्क करे के कोसिस करिन त उंखर मोबाइल घलो स्वीच ऑफ बतात रहिस हे।

घबराए परिजन मन ह खोज खबर लेना सुरू करिन, लेकिन कोनो सुराग उंखर हाथ नइ लगिस। परिवार ह मंगलवार के संझा मोहम्मद सिराज के लापता होए के  सिकायत मौदहापारा थाना म दर्ज कराइन।  परिजन मन के  सिकायत के बाद पुलिस ह 2 टीम बना के सिराज के खोज खबर सुरु करे रहिस हे।

—