भिलाई। छत्तीसगढ़ म ये दिन मम लोक सुराज के अभियान चलत हे। लोक सुराज 31 मार्च तक चलही। ये लोक सुराज अभियान म अइसे पहली बार होइस कि जब कोनो अभियान के दउरान कुछु कांग्रेसी मन एक मंत्री के घेराव करे बर पहुंच गे। दरअसल ये मामला नगर निगम भिलाई क्षेत्र के रिसाली जोन-6 कारयलय के हे। जिहां बुधवार के लोक सुराज के आयोजन करे गे रिहिस हे। जेमा कांग्रेसी पार्षद अउ दुर्ग ग्रामीण के कांग्रेस कारयकरता मन ह जमके विरोध करिन। ये दउरान कांग्रेसी मन ह काली पट्टी लगाके पैदल मारच घलो करिस। इही बीच रास्ता म पुलिस ह रोक दिस, जेखर सेती कांग्रेसी अउ पुलिस म जमके झूमाझटकी होइस। कांग्रेसी मन ह सरकार के खिलाफ जमके नारेबाजी करिन। एती कांग्रेसी मन ह परदशन करत हुए आवेदन के परची ल बिखेर दीस। ये दउरान महिला एवं बाल विकास मंत्री रमशीला साहू लोक सुराज समाधान शिविर म शामिल होए बर आए रिहिस हे। परदशन ले पहिली मंत्री रमशीला साहू कारयलय के अंदर लोक सुराज म आए आवेदन मन म काम करत रहिन हे। थोड़ केन देर बाद अपन पदयात्रा म शामिल होए बर चले गिस।
