विद्युत नियामक आयोग म छूट के बारिस

रायपुर। छत्तीसगढ़ विद्युत नियामक आयोग ह घरेलू उपभोक्ता मन ल राहत देवत हुए 4 ले 8% के छूट दीस। आज नियामक आयोग के सचिव पीएन सिंह ह य जानकारी दीन। उमन ह बतास कि बिजली के नवा दर आयोग ह घोषित कर दे हे। घोषित नवा दर घरेलू बिजली दर म 4 ले 8% के छूट दे गेहे हे। सबो श्रेणी के उपभोक्ता मन ल कुल 531 करोड़ के छूट मिलिस हे। बिजली के ये नवा दर ह 1 अप्रैल ले लागू हों ही।
नियामक आयोग के मुताबिक घरेलू उपभोक्ता मन ल 4 से 5 प्रतिशत, रेलवे ल 16 प्रतिशत, प्राइवेट हास्पिटल ल 5 प्रतिशत, बस्तर अउ सरगुजा विकास प्राधिकरण म निम्न दाब औद्योगिक उपभोक्ता मन ल 5 प्रतिशत, स्टील इंड्रस्टीज म 5 प्रतिशत अति उच्चदाब म अउ 33 केवी वाला मन ल 3 प्रतिशत के छूट दे गेहे। एखर अलावा ऑफ पीक ऑवर रात 11 बजे ले सुबह 6 बजे तक 25 प्रतिशत के छूट अउ पीक ऑवर म 5 प्रतिशत बढ़ा दे गेहे।