विधानसभा अध्यक्ष पद बर गुरुवार के नामांकन दाखिल करही डॉ. चरणदास महंत ह

रायपुर। विधायक डॉ. चरणदास महंत के छत्तीसगढ़ विधानसभा अध्यक्ष बनना तय हवय। डॉ. महंत गुरुवार के अध्यक्ष पद  बर अपन नामांकन दाखिल करही।  कांग्रेस के तरफ  ले डॉ. चरणदास महंत ल बतौर अध्यक्ष उम्मीदवार बनाय गेहे हे।  अभु तक के समीकरन के मुताबिक चरणदास महंत निर्विरोध चुना जाना तय हे। कांग्रेस ह जोगी कांग्रेस गठबंधन ल घलो विधानसभा के अध्यक्ष पद बर  प्रस्तावक बनाये हे। एखर बर विधायक धर्मजीत सिंह रायपुर पहुंच गे हे।  धर्मजीत सिंह ह मीडिया ल बताइस के उमन संसदीय कार्यमंत्री रविंद्र चौबे ल फउन के जरिए प्रस्तावक बने के सूचना दीस हे, जेखर सेती उमन रायपुर आइस हे।  सर्वसम्मति ले चुनाव  बर रविंद्र चौबे ह भाजपा के प्रदेस अध्यक्ष धरमलाल कौशिक ले घलो बात करे हे अउ  उंखर ले समरथन मांगिस हे।