विधानसभा सत्र…देर ले पहुंचे के सेती होइस अमरजीत के खिंचाई….. संसदीय कार्यमंत्री चौबे ल देना पड़ीस ये सफाई

रायपुर। छत्तीसगढ़ विधानसभा म चउथा दिन के कार्यवाही सुरू होगे हे। सदन म सत्तापक्ष के विधायक अमरजीत भगत के देर ले पहुंचे ले विपक्ष के विधायक अजय चंद्राकर ह उमन ल घेरिन अउ एला लेके जमके हंगामा घलो करिन। देर ले पहुंचे म चंद्राकर ह एला राज्यपाल के अपमान बताइस।

संसदीय कार्यमंत्री रविंद्र चौबे ह बताइस के पानी पीए बर रुके के वजह ले देरी होइस। बता दन के छत्तीसगढ़ विधानसभा के सीतकालीन सत्र के आज यानी बुधवार के चउथा दिन हवय। कांग्रेस विधायक अमरजीत भगत ह राज्यपाल के अभिभासन म कृतज्ञता जाहिर करत हुए कहिन के मुख्यमंत्री के किसान मन के प्रति जे चिंता हवय। ओखर कवर पेज हे अभिभासन।

दीन ए हवाला

उमन कहिन के ये काम उहीं कर सकत हे, जे किसान रहे हवय। अउ उंखर  दरद ल समझथे। पाछु के भाजपा सरकार के आलोचना करत हुए कहिन के उमन के राज म किसान मन ह आत्महत्या करिन हे। आत्महत्या जइसे कोनो कदम किसान अइसने नइ उठय। जब किसान के फसल बर्बाद हो जाथे अउ वो ह  कर्ज म डूब जाथे।  उहें ओला जब करजा वसूली बर तहसीलदार अउ बैंक मन ले  नोटिस आथे।  त किसान आत्महत्या ल मजबूर होथे। भूपेश सरकार ह किसान मन के कर्जमाफी के फइसला  कर लिस हे। ए कड़ी म लिकिंग द्वारा धान ले के दउरान 3 लाख ले अधिक किसान मन के 1248 करोड़ के अधिक रासि लउटाइस हे।