विभिन्न पत्र ल सदन के पटल म रखिस मुख्यमंत्री बघेल ह …..

 रायपुर। विधान सभा के सीतकालीन  सत्र के 5 वां दिन के कार्रवाई आज सुरू हो गिस।  मुख्यमंत्री भूपेश बघेल ह  विभिन्न पत्र मन ल सदन के पटल म रखिस। एमा सबले महत्वपूरन वर्ष 2018-19 के बजट के प्रथम अउ द्वितीय तिमाही  बर आय-  व्यय के समीक्षा  गलो सामिल हे। सदन म ए वक्त राज्यपाल के अभिभासन ल लेके चरता  सुरू हो चुके हे।   

मुख्यमंत्री ह सदन के पटल म सीएजी के रिपोर्ट ल रखिस। ओखर  बाद उमन ह  परफार्मेंस बजट ल घलो सदन म पेश करिन।  एखर अलावा राजिम कुंभ के नाम परिवर्तन के विधेयक घलो सदन के पटल म रखे गिस हे। ए बेरा म सदन के कार्रवाई चलत हवय। विधानसभा अध्यक्ष डॉ.चरणदास महंत के संगे संग पक्ष  अउ विपक्ष के सबो विधायक सदन म मउजूद हे।

सासकीय विधि विषायक कार्य मन म धार्मिक न्यास अउ धर्मस्व मंत्री ताम्रध्वज साहू छत्तीसगढ़ राजिम कुंभ ( कल्प ) मेला ( संशोधन ) विधेयक 2019  के पुन: स्थापना के प्रस्ताव पेस करिस।