वोरा – हुड्डा के खेलाफ फर्जीवाड़ा अउ भ्रष्टाचार मामला म आरोप पत्र

रायपुर। नेशनल हेराल्ड के स्वामित्व वाली एसोसिएट जर्नल्स लिमिटेड (एजेएल) ल प्लॉट दोबारा आवंटित करे के मामला म सीबीआई ह कांग्रेस के पूर्व राष्ट्रीय कोषाध्यक्ष अउ छत्तीसगढ़ ले राज्यसभा सांसद मोतीलाल वोरा अउ हरियाणा के पूर्व मुख्यमंत्री भूपेंद्र सिंह हुड्डा के खेलाफ आरोप पत्र दायर  करिस हे।

भूपेंद्र सिंह हुड्डा उपर आरोप हे के उमन सीएम रहत हुए नेशनल हेराल्ड के सब्सिडी एसोसिएट्स जनरल लिमिटेड (एजेएल) कंपनी ल 2005 म 1982 रुपिया के दर म प्लॉट अलॉट करवाइस । मामला म फर्जीवाड़ा अउ भ्रष्टाचार के आरोप म हरियाणा विजिलेंस विभाग  ह अप्रैल-2016 म मामला दरज  करे रहिस हे।

मामला म सीबीआई  ह एआईसीसी के पूर्व कोषाध्यक्ष मोतीलाल वोरा  ल घलोक  पार्टी बनाइस हे। विजिलेंस  ह दरज एफआईआर के आधार म सीबीआई घलो जांच कर चुके हे। जांच पूरा करे के बाद राज्य सरकार ले अभियोग के मंजूरी मांगे ग रहिस हे।

सरकार ह एडवोकेट जनरल ले कानूनी राय लेय के बाद मामला  म राज्यपाल सत्यदेव नारायण आर्य के मंजूरी  बर भेज देय गिस, जेला स्वीकार कर लेय  गिस अउ अभियोजन पेस करे के मंजूरी देय गिस हे। अइसे म अब हुड्डा  ल ए मामला म घलो मुकदमा के सामना करना पड़िस।