शंभू पीपर म दहशत फइलाय बर चेतावनी भरे पोस्टर लगाइस नक्सली मन ह

कवर्धा। जिला के अंतिम छोर म बसे वनांचल गांव शंभूपीपर म नक्सली मन ह एक बार फेर क्षेत्र म दहसत फइलाय के चेतावनी भरे पोस्टर लगाय हे। नक्सली मन ह धमकी भरे ये पोस्टर म पुलिस के मुखबिरी नइ करे के चेतावनी भरे संदेस जारी करिस हे। क्षेत्र म कई जगह नक्सली संगठन के लगाय गे पोस्टर मिलिस। जे ला पुलिस ह जब्त कर लिस हे। संग ही ये पोस्टर मन ल जब्त करे के संग नक्सली कोनो घटना ल अंजाम नइ देय हे, येखर पहिलि सुरक्छाबल के क्षेत्र म गस्त करना सुरु कर दिस हे।
गउरतलब हे के बीते कई माह पहिली नक्लसी संगठन ह अइसे ही पोस्टर जारी करे रहिन हे। पुलिस या सेना ल संगठन के सूचना देवइया ग्रामीन मन ल जान ले मार देय के धमकी घलो ये नक्सली संगठन ह देवत हे। बीते माह पुलिस ल सूचना देवइया मामला म ग्राम बोल्दा म एक ग्रामीन के गोलीमार के हत्या कर दी स। अइसे म पुलिस घलो मामला के गंभीरता ल देखत हुए ऐतिहात बरत हे।