सकरी सराब दुकान के तीर एक युवक के रक्तरंजित लास….. आसपास के इलाका म सनसनी

बिलासपुर । सकरी सराब दुकान के तीर एक युवक के रक्तरंजित लास मिले ले सनसनी फइल गिस। मृतक के सरीर म चोट के निसान हे।  पुलिस को आसंका हे के विवाद के बाद युवक के ऊपर लाठी  मन ले हमला करे गिस, जेखर उंखर मउत हो गिस। बताय जात हे  बुधवार के रात सकरी म राऊत बाजार के आयोजन होय रहिस हे।  

मृतक राउत बाजार देखे बर आए होही। अउ उंखर कोनो ले विवाद होगे।  सकरी पुलिस के टीम आसपास के कई गांव मन के सरपंच अउ कोटवार मन ल बुलवा के मृतक के सिनाख्त कराइस, लेकिन लास के सिनाख्त न अहो पाइस। आसपास के देहात थाना मन म मृतक युवक के फोटो भेज के नाम पता लगाय म पुलिस जुटी हुए हे। मृतक के उम्र ३५ बरस के लगभग हे। पुलिस ने लास को सिम्स के मरच्यूरी म रखवा दिस हे। पुलिस मामला दर्ज कर विवेचना म लगिस हे। सकरी पुलिस ले मिले जानकारी के अनुसार मृतक के सिर म चोट के गहरा निसान होए ले  मारपीट या हत्या किए जाने के आशंका जताइस हे।  लोगन के कहिना हे के  बुधवार के संझा सकरी म राउत बाजार रहिस हे । जे वजह  ले आपसी रंजिस या कोनो अन्य कारन मन ले लोगन ह मारपीट कर युवक के हत्या कर दीस होही। फिलहाल पुलिस पूरा मामला के जांच कर रही हे। सव के सिनाख्त होय के बाद ही सच्चाई के पता चल पाही।