सक्ति केंद्र के कार्यकर्ता के आधार पर लड़ेंगे और जीतेंगे भी : अमित शाह

रायपुर। प्रदेस म चउथी बार सरकार बनाय बर बीजेपी ह पार्टी के बड़ चेहर मन ले जादा सक्ति केंद्र संयोजक मन उपर भरोसा जतावत हे। अमित शाह आज सक्ति केंद्र संयोजक मन के संग संवाद कर जीत बर जरूरी टिप्स दिस हे।
भारतीय जनता पार्टी के राष्ट्रीय अध्यक्छ अमित शाह ह विधानसभा चुनाइ म जीत के रणनीति म काम करना सुरू कर दिस हे। इही मकसद ले वो ह आज रायपुर आइस हे।
अमित शाह ह पार्टी कार्यकर्तामन ल संबोधित करे के पहिली मंच ले ‘भारत माता के जय’ के नारा लगाइस हे । उमन कहिन के ये आमसभा नइ बल्कि कार्यकर्तामन के सम्मेलन हे जेखर सैलाब दिखाई देवत हे।
शाह ह कार्यकर्ता मन म चुनावी जोस भरे बर सीधा संवाद करिन हे। उमन डुमरतराई के तीर स्थित कार्यक्रम स्थल म सक्ति केंद्र के आठ हजार कार्यकर्ता मन ले सीधा संवाद करिस हे। सम्मेलन म भाजपा सक्ति केन्द्र संयोजक, सह संयोजक व सक्ति केन्द्र प्रभारी, भाजपा मंडल अध्यक्छ, भाजपा जिलाध्यक्छ अउ जनप्रतिनिधि सामिल होइन।
अमित शाह ह कार्यकर्ता मन ले कहिन के , ‘चुनाइ चाहे छत्तीसगढ़ के चुनाइ हो या 2019 म लोकसभा के। हमन अपन बूथ अउ सक्ति केंद्र के कार्यकर्ता के आधार म लड़बो अउ जीतबो घलो।’ शाह ह कार्यकर्ता मन ले कहिन के , ‘मैं आप मन ल, आपके अध्यक्छ के नाते कहत हव के चुनाइ ल कोनो नेता नइ जिता सकय, चुनाइ सिरिफ बूथ अउ सक्ति केंद्र के कार्यकर्ता मन जिताथे।’
शाह ह कहिन के ’10 सदस्य मन ले सुरू होय भारतीय जनता पार्टी आज पूरा विश्व के सबले बड़ राजनीतिक पार्टी बनके उभरे हे।’ उमन कहिन के , ‘भाजपा विचार अउ संगठन के आधार म चलत हे, इहां चुनाइ नेतामन के नइ होवय बल्कि मोर बूथ के कार्यकर्ता के चुनाइ होथे अउ बूथ का कार्यकर्ता ही ये चुनाइ लड़थे। दुनिया के सबसे बेहतरीन नेता हमार पार्टी के नेतृत्व करत हे। बीजेपी दुनिया के सबले बड़ पार्टी बनके उभरीस हे।
कांग्रेस पार्टी ल सपना देखे के सउक
कांग्रेस पार्टी ल सपना देखे के सउक हो अउ भाजपा ल सपना सिद्ध करे के सउक हे। परिश्रम के पराकाष्ठा ले विजय प्राप्त करना ये भाजपा के कार्यकर्ता मन के स्वभाव हे। राहुल गांधी जवाब देवय के उमन देस म रहत घुसपैठीमन के चिंता हे या अपन देस के नौजवान मन के।
चुनाइ लेके चरचा
अमित शाह ह बीजेपी प्रदेस कोर कमेटी, प्रदेस पदाधिकारी, सांसद, विधायक, भाजपा जिलाध्यक्छ-महामंत्री, जिला संगठन निगम अउ मंडल के अध्यक्छ, उपाध्यक्छ ले चुनाइ ल लेके चरचा करिस हे।
शदाणी दरबार म युधिष्ठिर लाल ले मिलिस
बीजेपी के राष्ट्रीय अध्यक्छ अमित शाह निर्धारित बखत ले करीब एक घंटा के देरी ले इहां पहुंचिन। एयरपोर्ट ले सीधा उमन शदाणी दरबार गिन। शदाणी दरबार म उमन युधिष्ठिर लाल शदाणी महाराज ले मिलिस । मुख्यमंत्री रमन सिंह घलो इहां उंखर संग रहिन हे।