सबले कम राउंड रायपुर दक्षिन अउ पश्चिम विधानसभा म …..लेकिन परिनाम  सबले बाद म…. ..वजह जानव

रायपुर । 11 दिसंबर के होवइया मतगनना का तैयारी मन म जिला निर्वाचन अधिकारी जुट गेहे।  जिला के सातों विधानसभा म कहीं 16 त कहीं 24 चक्र मन म  मतगणना होही। एखर बर सबो विधानसभा क्षेत्र के रिटर्निंग ऑफिसर ल निरदेस  देय गेहे।

11 दिसंबर के होवइया मत मन के  गणन  बर मतगनना दल बनाए अउ मतगनना स्थल म विधानसभावार टेबल सजाय के अउ अन्य बेवस्था करे के काम सुरू कर देय गेहे।  विधानसभावार ईवीएम के गनना 14-14 टेबल लगाके कर जाही। सबले कम राउंड रायपुर दक्षिन अउ पश्चिम विधानसभा म होही, लेकिन प्रत्याशी मन के  संख्या अधिक होय के कारन दूनों विधानसभा के परिनाम सबले आखिरी म आही। । उप निर्वाचन अधिकारी राजीव पांडेय ह बताइस के रायपुर के सातों विधानसभा क्षेत्र मन के मतगणना बर अलग-अलग टेबल लगाए गे हे, जिहां ईवीएम अउ वीवीपेट म डाले गे वोट मन के गिनती करे जाही।  मतगनना बिहनिया  8 बजे ले सुरू हो जाही जे दोपहर 3 बजे तक चलही। मतगनना म सबले  पहिली डाक मतपत्र मन के गिनती कर जाही,एखर बाद कंट्रोल यूनिट ले मतगनना सुरू होही।

विधानसभा के हर बूथ म होंही एजेंट ……..प्रत्याशी मन के  एजेंट मन के नियुक्ति बर रिटर्निंग अधिकारी ह आवेदन मांगय बर प्रक्रिया  सुरू कर देह।  बताय जात हे के विधानसभा के हर बूथ ले एक एजेंट अउ हर पंद्रह बूथ म एक एआरओ एजेंट नियुक्त करे जाही ।  एखर आधार म राष्ट्रीय पार्टी मन अपन एजेंट के नाम अउ फोटो रिटर्निंग अधिकारी ल भेजत हे।

मीडिया सेंटर तक मोबाइल लेय के छूट…….निर्वाचन कार्यालय ले मिले जानकारी  म मीडिया सेंटर म कम्प्यूटर अउ इंटरनेट के बेवस्था  करे गेहे । एखर संग ही मीडिया सेंटर तक मोबाइल ले जाय के छूट रहही। मतगणना कक्ष म मोबाइल प्रतिबंधित रहही।