समय म राशन दुकान नइ खोले के करन सेल्समैन के नौकरी गिस

0 दिल म छेद के बीमार नोनी मीनाक्षी साहू के होही उपचार
रायपुर। मुख्यमंत्री डा. रमन सिंह लोक सुराज अभियान म सोमवार के महासमुंद जिला के बागबाहरा विकासखंड के ग्राम टुरीझर पहुंचे बर अपन उडऩखटोला ल एक खेत म उतरास। अउ मुख्यमंत्री खेत अउ मेड़मन के रददा चलके गांव पहुंचिस। जिहां उमन ह चौपाल लगाके लोगन के समस्या मन ल सुनीस अउ निराकरण करके निर्देश अधिकारी मन दिस।
लोक सुराज अभियान के तहत मुख्यमंत्री डॉ रमन सिंह टुरीझर पहुंच के तालाब की मेड़ पर चौपाल लगाइस। अउ समय म राशन दुकान नइ खोले के शिकायत म ग्राम‌ डोकरपाली के सेल्समैन शिवराज साहू ल हटाए के आदेश दिस। ये मउका म उमन ह टुरीझर ले डोकरापाली तक पक्की सड़क निर्माण अउ महिला मन बर सामुदायिक भवन निर्माण के घोषणा करिस हे। टुरीझर म दो साल ले अधूरा स्टाप डैम के निर्माण जून माह तक पूर्ण कराके निर्देश घलो दीस हे। सीएम ह वन समिति के बांस विक्रय के लाभांश वितरित करे बर वन परिक्षेत्र अधिकारी ल निर्देश दिस। । नीचे पारा अउ पुराना पारा म सीमेंट कांक्रीट सड़क के स्वीकृति दीस। गांजर गांव म जिम निर्माण बर 2 लाख के घोषणा करिस हे। डॉ सिंह ह चौपाल म आय जाति प्रमाण पत्र के प्रकरण मन के निराकरण बर टुरीझर म शिविर लगाके एसडीएम ल निर्देश दिस।। एखर संग तालाब गहरीकरण के स्वीकृति घलो दीस अउ शौचालय निर्माण के भुगतान 15 दिन म करके निर्देश दिस । मुख्यमंत्री ह दिल म छेद होए के बीमार ले पीड़ित नोनी मीनाक्षी साहू के उपचार कराए बर कलेक्टर ल निर्देश दिस।