सरोज ल बधाई देवत रमन ह कहिन कि – कांग्रेस टुकड़ा म अउ बीजेपी एकजुट हे, आगू भू रहही

रायपुर। मुख्यमंत्री ह ये ला ऐतिहासिक जीत बतात हुए कहिन कि भाजपा म राज्यसभा सीट बर दू वोट के इजाफा होइस हे। राज्यसभा चुनाव के नतीजा ले स्पष्ट हो गे कि कांग्रेस टुकड़ा मन हे अउ बीजेपी एकजुट रिहिस, आगू घलोक रह ही। अब छत्तीसगढ़ ल राज्यसभा म एक सशक्त सांसद मिल हे। ओ ह राज्य के मुद्दा मन ल संसद म मुखरता ले उठाही। कांग्रेस के वोट कम होइस हे। संभावना रिहिस के कांग्रेस के वोट अउ कम होवत हे। उमन ल मालूम हे उँखर स्थिति का हे । फेर जानत हुए कांग्रेस ल अइसना सउक नइ करना चाही। जेपी नड्डा ह कहिन कि सरोज पांडेय ल ये जीत के बहुत बहुत बधाई। ये ह छत्तीसगढ़ के जनता के जीत हे, जेन ह अपन विश्वास सरोज म बनाए रखे हे।
भाजपा प्रदेशाध्यक्ष धरमलाल कौशिक ह राज्यसभा चुनाव म भाजपा उम्मीदवार सरोज पाण्डेय के जीत म ओला बधाई दीस हे। उमन कहिन कि ये जीत केवल भाजपा के जीत नइ बल्कि पूरा छत्तीसगढ़ के जनता के जीत हे । ये जीत देश के महिला मन के जीत हे।
भाजपा के प्रदेश प्रवक्ता शिवरतन शर्मा, संजय श्रीवास्तव, सच्चिदानंद उपासने, श्रीचंद सुन्दरानी, भूपेन्द्र सवन्नी ने पाण्डेय को राज्यसभा चुनाव ल जीत के बधाई दीस हे। येमन ह कहिन कि ये जीत ओकर लगातार करेगे प्रयास मन ले मिलिस हे। भाजपा युवामोर्चा प्रदेश अध्यक्ष विजय शर्मा, किसान मोर्चा प्रदेश अध्यक्ष पूनम चंद्राकर, महिला मोर्चा प्रदेश अध्यक्ष पूजा विधानी, अनुसूचित जनजाति मोर्चा प्रदेशाध्यक्ष सिध्दनाथ पैकरा, अनुसूचित जाति मोर्चा अध्यक्ष कृष्णमूर्ति बांधी ह पाण्डेय ल राज्यसभा चुनाव म जीत बर बधाई दीस हे। अउ ये जीत ल भाजपा व पूरा कार्यकर्ता मन के जीत बताइस हे। जीत म भाजपा प्रदेश उपाध्यक्ष व सांसद विक्रम उसेन्डी, मोतीलाल साहू, सुनील सोनी, हेमचंद यादव, दीपक पटेल, श्रीमती सरला कोसरिया, प्रदेश संगठन महामंत्री पवन साय, प्रदेश महामंत्री संतोष पांडेय, गिरधर गुप्ता, डॉ. सुभाऊ कश्यप, मोर्चा प्रकोष्ठ प्रभारी रामप्रताप सिंह, सांसद रमेश बैस, चंदूलाल साहू, कमला देवी पाटले छग शासन मंत्री, विधायक समेत पारटी पदाधिकारी व कार्यकर्ता मन ह बधाई दीस। पांडेय के स्वागत करे बर कई कोरी कार्यकर्ता म नवा बीजेपी कार्यालय पहुंचिस। गाजा बाजा अउ फूल माला मन के संग उमन ह सरोज पांडेय के स्वागत करिस हे।