रायपुर । रायपुर म हरदिहा साहू समाज ह 101 जोड़ी के नि:शुल्क संघरा शादी करत हवय। ए कार्यक्रम ह 19 फरवरी के महादेव घाट म आयोजित करे गे हे।
समाज के अध्यक्ष नंदकुमार साहू ह कहिन कि समाज ह निरणय ले हे कि समाज म विवाह सामूहिक व आदर्श विवाह के रुप म हो ही। ऐखर ले विवाह समारोह के नाम म होवइय फालतू के खरचा बच ही। अउ अइसन कार्य ले समाज के विकास ल नई गति मिलही। वो ह किहिस कि ए पहिली चरण म 101 जोड़ी के शादी हो ही। ऐखर बाद के दूसरया चरण में लगभग 300 जोड़ी के संघरा शादी हो के संभावना हवय। कार्यक्रम म प्रदेश के मुखिया डॉ.रमन सिंह नव विवाहित मन ल आशीर्वाद दी ही।
