सियान मन हमार धरोहर हे : बृजमोहन

रायपुर। छत्तीसगढ़ प्रदेस के कृषि एवं सिंचाई मंत्री बृजमोहन अग्रवाल ह कहिन के सियान यानी वृद्धजन हमार धरोहर हे। उंखर आशीरवाद ही हमन ल सफलता के सीढ़ी मन म आघू बढ़ाथे। उंखर पास अनुभव के खजाना हे जे हमन ल सही अउ गलत के पहिचान बतात हे। उंखर सलाह अउ सीख लेके ही हमन ल आघू कदम बढ़ाना चाही। उमन ये यह बात अश्वनी नगर म आयोजित सियान सम्मान समारोह ल संबोधित करत हुये कहिन। ये कारयकरम ल लाखे नगर भाजपा मंडल ह आयोजित करे रहिस हे। ये दउरान उमन उपस्थित वृद्धजन मन ल साल श्रीफल प्रदान कर उंखर आशीरवाद ग्रहन करिन।
बृजमोहन ह कहिस के आप सबो के आशीरवाद ले पाछु के 15 बछर ले प्रदेस म भाजपा क सरकार हे। ये सरकार संपूरन छत्तीसगढ़ के सरवगीन विकास बर पूरी शिद्दत के संग काम करत हे। हर वरग के बराबर चिंता करे जाथे। बच्चे, युवा, महिला, बुजुरग सबो के हित मन के रक्छा बर विभिन्न योजना मन ल सरकार ह संचालित करे हे। रायपुर सहर के बात करन त पाछु 15 बछर म ऐतिहासिक काम इहां होइस हे । बढ़िया सड़क, सुद्ध पेयजल, बेहतर चिकित्सा सुविधा ले जनता के जीवन आसान बनिस हे । ये हमार भाजपा के सरकार जनता के पूरन विस्वास के सरकार हे। येही वजह हे के निरंतर 3 बार भाजपा के सरकार प्रदेस म बनीस हे। मोर सउभाग्य हे के पाछु के 28 बछर ले रायपुर के जनता के आशीरवाद मोला मिलत हे। जनता के मन मुताबिक आप वरिष्ठजन मन क मारगदरसन म कारय करत होये मोला अपन रायपुर सहित सम्पूरन प्रदेस के सेवा के अवसर मिस ही।
सम्मान समारोह म पूरव महापौर सुनील सोनी, प्रदेस भाजपा उपाध्यक्छ मोतीलाल साहू, जिला भाजपा अध्यक्छ राजीव अग्रवाल, आरडीए उपाध्यक्छ रमेश सिंह ठाकुर,रश्मि शर्मा, श्यामसुंदर अग्रवाल, योगी अग्रवाल, प्रशांत सिंह ठाकूर, महिला मोर्चा जिला अध्यक्छ शैलेन्द्री परगनिया, महामंत्री सुभद्रा तंबोली, मंडल अध्यक्छ बिहारी लाल साहू, महामंत्री धनेंद्र बिसेन, महिला मोर्चा अध्यक्छ सविता साहू, युवा मोर्चा अध्यक्छ अंकुर सिंह ठाकुर, पार्षद किरण साहू, कमल साहू, यादराम साहू अउ अबड़ संख्या म लोगन मन उपस्थित रहिन हे।