सुकमा। ये दिन म नक्सली मन अपन रणनीति ल बदल दे हे। अइसे लगत हवय। तभे तो सीआरपीएफ के वरदी पहिन के गांव म पहुंच के नक्सली मन ह गांव वाले संग जमके मारपीट करे के खबर मिलत हे। नक्सली मन सुकमा के गांव रेंगरगट्टा म अपन मंसूबा ल अंजाम देय बर जिहां सीआरपीएफ जवान के भेष म पहुंच के गांव वाले के संग जमके मारपीट करिस हे। ये घटना म कतको गांव वाला मन ल गंभीर चोट आइस हे।
बस्तर के सुकमा म रेगडगट्टा गांव म नक्सली मन ह कहर बरपाइस। सीआरपीएफ के वरदी पहिन के पहुंचे नक्सली मन ह गांववाला मन के जमके पिटाई करिस हे। जेमा आधा दर्जन ले अधिक गांव वाले घायल हो गे । सबो ल गंभीर चोटे आइस हे। सुकमा एसपी अभिषेक मीणा ह ये घटना के पुष्टि करिस हे। मराईगुड़ा थाना पुलिस के मुताबिक नक्सली सीआरपीएफ के वरदी पहिन के खुद ल सीआरपीएफ के जवान बतात हुए आइस अउ ग्रामीण मन ल पीटना शुरू कर दिस। गांव वाला मन ब तक कुछ समझ पातीस नक्सली उमन ल पीटके उंहा ले भाग खड़े होइस। हालांकि बाद म पता चलिस कि उमन ह सीआरपीएफ के जवान नइ, बल्कि नक्सली रहिन।
