सीएम हाउस के गेट नंबर-2 के आघू के बंगला म रहही डॉ. रमन

रायपुर। पूर्व मुख्यमंत्री डॉ. रमन सिंह ह अब सिविल लाइंस म सीएम हाउस के गेट नंबर-2 के आघू वाले ई-1 बंगला रहही।  डॉ. रमन  ल बंगला आलॉट कर देय गेहे। एखर पहिली अइसे चरचा रहिस हे के डॉ. रमन सिंह ल पूर्व मंत्री अजय चंद्राकर के बंगला  एलाट करे गेहे,  ए बंगला ल  गृह मंत्री ताम्रध्वज साहू ल  देय गिस हे।

कुछु दिन पहिली डॉ. रमन सिंह ह पूर्व डीजीपी संत कुमार पासवान के बंगला के निरीक्षन घलो कर हे। ए दउरान सुरक्षा अधिकारी  घलोक उंखर संग  मउजूद रहिन हे। सुरक्षा के मद्देनजर डॉ. रमन सिंह ल सीएम हाउस के तीर के बंगला अलॉट करे गेहे।

 पूर्व मुख्यमंत्री डॉ. रमन सिंह ल लंबा इंतजार के बाद बंगला अलॉट करे गिस।  उमन सिविल लाइंस म सीएम हाउस के गेट नंबर-2 के आघू वाले ई-1 बंगला देय गेहे। एह बंगला केनाल रोड स्थित पूर्व डीजीपी संत कुमार पासवान के बंगला रहिस हे।