सीएम ह जनता के खुशहाली बर मांगिस आशीर्वाद

रायपुर । प्रदेश के मुख्यमंत्री डॉ. रमन सिंह महाशिवरात्रि के अवसर म कबीरधाम जिला के ऐतिहासिक, पुरातात्विक अउ आस्था के केन्द्र भोरमदेव मंदिर पहुंचकर पूजा-अर्चना करिस अउ राज्य के प्रगति अउ जनता के खुशहाली बर आशीर्वाद मांगे हे। मुख्यमंत्री के पत्नी वीणा सिंह, लोक सभा सांसद अभिषेक सिंह अउ ऐश्वर्या सिंह विशेष रूप से ये बेरा म उपस्थित रहिस हे। मुख्यमंत्री के संग रामकुमार भट्ट, विजय शर्मा, जिला पंचायत कबीरधाम के अध्यक्ष संतोष पटेल, रघुराज सिंह, गोपाल साहू, बोड़ला नगर पंचायत के अध्यक्ष डॉ.रूपनाथ मानिकपुरी, संतराम धुर्वे, दिनेश चंद्रवंशी, रूपेश जैन सहित बड़े संख्या म जनप्रतिनिधि अउ श्रद्धालुजन उपस्थित रहिस हे।
 परिवार के संग बूढ़ामहादेव मंदिर म करिस पूजा-अर्चना
मुख्यमंत्री डॉ. रमन सिंह कवर्धा के बूढ़ा महादेव मंदिर पूजा-अर्चना करिस। वो ह प्रदेश के सुख-समृद्धि अउ खुशहाली के आशीर्वाद मांगिस। मुख्यमंत्री के धर्मपत्नी वीणा सिंह, लोक सभा सांसद अभिषेक सिंह अउ ऐश्वर्या सिंह ये बेरा म उपस्थित रहिस। संसदीय सचिव मोतीराम चंद्रवंशी, कवर्धा विधायक अशोक साहू, छत्तीसगढ़ कृषक कल्याण परिषद के सदस्य अजीत चंद्रवंशी, नगरपालिका कवर्धा के अध्यक्ष देवकुमारी चंद्रवंशी अउ अनिल ठाकुर, सीताराम साहू सहित बड़े संख्या म जनप्रतिनिधि अउ श्रद्धालुजन उपस्थित रिहिस हे।