सीडी के षडयंत्र ह नइ रोक सकय कांग्रेस के धार ल : भूपेश

रायपुर। प्रदेस कांग्रेस विधानसभा चुनाइ लड़े बर तइयार हे। सीडी के षडयंत्र नइ रोक सकय कांग्रेस के धार ल। ये बात प्रदेस कांग्रेस अध्यक्छ भूपेश बघेल ह पत्रकार मन ले चरचा करत हुय कहिस। पीसीसी अध्यक्छ ह सीडी के मामला म कहिस के भूपेश के पाछु तीन-चार दिन मन ले सीडी के मामला म बहुत चरचा होवत हे । आप मन जानत हव के मैं अस्वस्थ्य रहे हव। येखर सेती मैं जवाब नइ दे पाय । हमार मउन ल उमन कमजोरी नइ समझय। ये सीडी इहीं बदला के अंस हे।
आलाकमान ले दिल्ली म मुलाकात कर प्रदेस लउटे प्रदेस कांग्रेस कमेटी अध्यक्छ भूपेश बघेल ह शंकर नगर स्थित राजीव भवन म पत्रकार वारता करिस। भूपेश ह कहिस के भाजपा के अंदर बउखलाहट हे । पीएल पुनिया के वो बयान ल लेके जेमा उमन ह लंदन भागे के पहिली विजय माल्या ल अरुन जेटली के संग देखे रहिस हे। माल्या मामला म अरुण जेटली अउ नरेंद्र मोदी झूठ बोलत हे । अब नरेंद्र, अमित अपन असली राजनइतिक म उतर आय हे। उंखर मानसिकता ही आपराधिक हे। गुजरात के नेता अउ उंखर सीडी बांटना येखर पुख्ता सबूत हे । पुनिया जी के बारे म जे अफवाह फइलाय जात हे। सीडी येखरे बदला लेय के अंस हे। सीएम रमन घलो नरेंद्र मोदी अउ अमित शाह के राह म हे । दू दिन पहिली उमन पाटन म कहिस के मोला निरममता ले हराना हे । भूपेश कहिन के भाजपा के सीडी ले पुराना नाता रहिस हे। छग म सीडी के कारयलाय चलत हे अउ सीएम येमा सामिल हे। अंतागढ़ चुनाव कांड के सीडी म सीएम के दामाद पुनीत गुप्ता, पूरव सीएम अजित जोगी अउ विधायक अमित जोगी सामिल हे । सीएम घलो सामिल हे काबर के उमन ह सहमति देय रहिस हे। जेस सीडी की चरचा चार दिन ले चलत हे ओखर हमन सरकार बनत ही जांच कराबोष ये हमन घोसना करत हन। सीडी में भूपेश के आवाज अउ उंखर घर जाय के बात म भूपेश कहिन के येमा जवाब नइ दव।