सोमवार के जारी होही 10वी -12वीं के टाइम टेबल

रायपुर। ए साल विधानसभा चुनाव अउ आचार सहिंता के सेती ले छत्तीसगढ़ माध्यमिक सिक्षा मंडल दसवीं अउ बारहवीं बोर्ड परीक्षा के टाइम टेबल जारी नइ कर पाइस।  वइसे 10वीं अउ 12वीं बोर्ड परीक्षा फरवरी माह के आखिर या मार्च के सुरू म आयोजित होथे। एखर बर  माध्यमिक सिक्षा मंडल समय सारनी कुछु माह पहिली  जारी करत देथे। ए बरस राज्य म चुनाव  होए ले बोर्ड परीक्षा के टाइम टेबल जारी करे म देरी होइस हे।   

ए संबंध म गुरुवार के सीजी बोर्ड के सहसचिव संजय शर्मा ह बताइस के बोर्ड परीक्षा के समय सारणी अभु तक जारी नइ करे गेहे। समय सारणी जल्द जारी करे के फइसला बोर्ड ह लिस हे। समय सारणी जारी करे बर प्रसासनिक निरनय बर  छत्तीसगढ़ माध्यमिक सिक्षा मंडल के अध्यक्ष ले समय ले ले गेहे। आघू  के एक-दू दिन के बाद बोर्ड परीक्षा के समय सारनी जारी कर देय जाही। उमन बताइस के मार्च के पहिली सप्ताह म ही बोर्ड के परीक्षा सुरू हो जाही।  पाछू के बेर बोर्ड परीक्षा मन के मूल्यांकन के समय म होय गलती मन ल दुबारा न हो एखर बर सिक्षक मन ल ट्रेनिंग दे जाही।  जनवरी 2019 म मूल्यांकन करइया सिक्षक मन ल विसेसे ट्रेनिंग बोर्ड देही।  एमा लगभग जिलावार 25 हजार सिक्षक सम्मिलित होंही।