रायपुर। मुख्यमंत्री डॉ. रमन सिंह के अध्यक्षता म सोमवार के रात जिला मुख्यालय म जशपुरनगर म रायगढ़ अऊ जशपुर जिला मन के संयुक्त समीक्षा बैठक रखे गीस। जिला पंचायत के सभाकक्ष म आयोजित बैठक म मुख्यमंत्री ह अधिकारी मन ल प्रधानमंत्री सहज बिजली- हर घर योजना (सौभाग्य) के तहत दूनों जिला मन के सबो अविद्युतीकृत घर मन ल बिजली के कनेक्शन देहे बर युद्धस्तर म काम करे के निर्देश दीन। मुख्यमंत्री ह ये घलोक कहिन कि प्रधानमंत्री ग्राम सड़क योजना के जऊन सड़क मन के मरम्मत के जरूरत हे, उंखर मरम्मत मानसून के पहिली अनिवार्य रूप ले कर ले जाय। उमन कहिन कि असंगठित श्रमिक मन ल श्रम विभाग के योजना मन के तहत सायकिल अऊ सिलाई मशीन संग आन सामान वितरण बर विशाल शिविर घलोक लगाए जाए।
