सड़क हादसा म देवभोग जनपद अध्यक्छ बुरी तरह घायल…

गरियाबंद। देवभोग जनपद अध्यक्ष नेहा सिंघल सड़क हादसा म बुरी तरह घायल होगे हे। मैनपुर हॉस्पिटल म इलाज के बाद नेहा सिंघल ल राजधानी रायपुर म बेहतर चिकित्सा बर रेफर करे गिस हे। हादसा म सभापति असलम घलो घायल होगे हे।
देवभोग जनपद अध्यक्ष नेहा सिंघल के कार ह नेशनल हाइवे म कोदोमाली के तीर दूसर कार ले जा टकराइस। टक्कर अतना जबरदस्त रहिस हे के दूनों कार मन के परखच्चे उड़ गिस। हादसा म जनपद अध्यक्ष नेहा सिंघल बुरी तरह घायल होगे, उहें सभापति असलम ल घलो चोट आइस हे। दूनों अमित शाह के कार्यक्रम म सामिल होके शनिवार बिहनिया देवभोग वापिस लउटत रहिस हे। अमित शाह ह शुक्रवार के रायपुर म कार्यकर्ता सम्मेलन ल संबोधित करिस हे शुक्रवार के ही अमित शाह के कार्यक्रम म सामिल होय बर आवत धरमजयगढ़ के पूरव विधायक राठिया घायल होगिस। उंखर इलाज राजधानी के निजी हॉस्पिटल म जारी हे।