हमार पार्टी अउ सरकार जनता के बीच जाके काम करही : भूपेश

रायपुर। मुख्यमंत्री भूपेश बघेल ह आज पंचम विधानसभा के दउरान कहिन के  आज विधानसभा म विधायक मनके सपथ समारोह हे। सबो विधायक मन ह शपथ लीन अउ विधानसभा अध्यक्ष के निरविरोध चुनाव होइस। एमा सबके सहमति बनिस। मुख्यमंत्री भूपेश बघेल ह कहिन के भाजपा के नेता कहत रहिन के हमार सरकार बनही अउ ऊंचाइ तक जाही लेकिन ए बार लोकतंत्र ह जवाब देवत हुए सरकार पलट दीस अउ कांग्रेस के सरकार बना दिस। छत्तीसगढ़ म काम करे के मउका देय हे।

जनता ह कांग्रेस उपर भरोसा करे हवय। ए भरोसा ल हमार पार्टी अउ सरकार खरा उतर के जनता के बीच जाके काम करही। उहें हमार विधायक सपथ ले के बाद जनता ले जे वादा करिन हे, ओला पूरा करही। आज विधानसभा म भाजपा के विधायक लेट पहुंचिन अउ एला लेके सदन म चर्चा होत रहिस। छत्तीसगढ़ म 15 साल राज करे के बाद अपना नेता प्रतिपक्ष चुने म भाजपा ल काफी बेर लगा दिस अउ इहीं वजह ले विधानसभा म विपक्षी विधायक लेट पहुंचिन।