हार्स ट्रेडिंग के डर सबले जादा सीट पाए के सपना देखइया कांग्रेस ल

रायपुर। अभु तक छत्तीसगढ़ म होए चुनाइ म भाजपा ल स्पष्ट बहुमत मिलत हे।  हालांकि मुकाबला बेहद करीबी होथे। ए  बार जोगी अउ बसपा के गठबंधन के चलत  नवां तस्वीर उभरे के संभावना जताय जात हे।  ए नवा समीकरन ल देखत हुए हैंग एसेंबली अउ हार्स ट्रेडिंग के आसंका जताय जात हे। भले ही सियासी दल ए बारे म खुलके न बोलत हे। लेकिन पहिली के अनुभव ल देखत हुए सबो सतर्क जरूर हे।    

छत्तीसगढ़ देस के उन राज्य मन म सामिल हे, जिहां मतदान के बाद नतीज मन बर  सबले जादा वक्त तक इंतजार करे बर पड़थे।  ए पाछू  के 3 चुनाव मन  म देखे  बर मिलिस हे। मतदान के बाद 20 दिन के इंतजार सबो राजनीतिक दल मन ल काटे नइ  कटत हे।  अउ ए बार सबले जादा सीट पाए के सपना देखइया कांग्रेस ल हार्स ट्रेडिंग के डर सतात हे।

छत्तीसगढ़ विधानसभा चुनाव म ए बखत भाजपा-कांग्रेस के संग ही जेसीसीजे-बसपा गठबंधन ह चुनउती दीस हे।  एखर ले  चुनाइ लड़ाई अउ नजदीकी हो गिस हे।  कई राजनीतिक समीक्षक मन  के संग  राजनीतिक दल घलो बहुमत के पास के आंकड़े के ही बात करत हे।  यानी के  कोनो भी पार्टी ल सरकार बनाय बर 2 ले 4 विधायक मन  के जरूरत पड़ सकत हे।

कांग्रेस म विधायक मन ल सुरक्षित रखे बर बनत हे प्लान……कांग्रेस ह मतगणना के बाद अपन विधायक मन ल सुरक्षित स्थान म पहुंचाए के रननीति घलो बनावत हे। कोनो भी पार्टी ल स्पष्ट बहुमत नइ मिले के स्थिति म विधायक मन ल छिपाए अउ आपन खेमा म  सामिल को के खेल देखे बर मिल सकत हे।  एखर ले बचे बर कांग्रेस ह अंदरखाना प्लान घलो तइयार करत हे।

का हो सकत हे  कांग्रेस के रननीति…….चुनाइ के बाद कांग्रेस नेता जीत ल लेके काफी आस्वस्त नजर आवत हे।  बताय जा त हे के  हाल ही म राहुल गांधी ल प्रदेश के नेता मन ह  50 ले जादा सीट मन म  जीत के भरोसा जताइस हे।  उहें  पार्टी आलाकमान ह मतगनना के दउरान  अउ  ओखर बाद सतर्क रहे बर कहिस हे।  अगर स्थिति हाल ही म चुनाव होए कर्नाटक जइसे बन जात हे त  कांग्रेस नवनिर्वाचित विधायक मन ल  सुरक्षित स्थान म ले जा सकत हे।

अभु तक  अइसे देखे बर मिल हे के  सदन म सक्ति प्रदर्शन ले  पहिली अइसे राज्य मन म  विधायक मन ल भेजे जाथे , जिहां वो पार्टी के सरकार हो। अइसे म  देखे जाए त छत्तीसगढ़ के आसपास कांग्रेस सासित राज्य कोनो नइए।  अइसे म कांग्रेस अपन नवां मित्र चंद्रबाबू नायडू के मदद ले सकत हे अउ अपन विधायक मन ल  आंध्रप्रदेस म सुरक्षित ले जा सकत हे।  वइसे पार्टी  ह  जीतइया  प्रत्याशी मन ल  एक संग रहे के निरदेस  देय हे।