हिरन के भुने हुए मांस के संग 19 आरोपी गेरफ्तार

आरोपी मन के खेलाफ वन्य प्राणी अधिनियम के तहत कार्रवाई

गरियाबंद । गरियाबंद वन परिक्षेत्र अंतरगत ग्राम टुईयामुड़ा म हिरन के भुने हुए मांस के संग 19 आरोपी मन ल पुलिस ह गेरफ्तार  करिस हे। मुखबिर के सूचना म वन विभाग के टीम ह मउका म पहुंचके हिरन के भुने हुए मांस अउ सिकार म इस्तेमाल हथियार ल घलो जब्त कर ले गेहे।

गरियाबंद वन परिक्षेत्र के टुईयामुड़ा म करीब 19 लोग मन मिलके हिरन के सिकार करिन अउ  संगे-संग ही जंगल म ही हिरन ल काट के उंखर मांस ल आपस म बांट के अपन -अपन घर ले आइन। तभे मुखबिर के सूचना म वन विभाग के टीम ह मउका म पहुंचके हिरन के भुने हुए मांस अउ सिकार म इस्तेमाल हथियार जब्त कर ले गिस। एखरे संग मामला के सबो 19 आरोपी गेरफ्तार हो चुके हे। विभाग  ह पकड़े गे आरोपी मन के खेलाफ वन्य प्राणी अधिनियम के तहत कार्रवाई सुरू कर देहे।