बर्ल्ड बैंक के कहिना हे भूख ले कइसे लड़े जाथे ये ह छत्तीसगढ़ ले सीखव

रायपुर । केंद्रीय वित्त मंत्री पीयूष गोयल ह कहिन के सीएम रमन सिंह पूरा विस्व म चाउर वाले बाबा के नाम ले जाने जाथे। वर्ल्ड बैंक के कहिना के भूख ले लड़े म अगर कोनो मॉडल ल देखना हे त छत्तीसगढ़ ल देखय चाही । उमन कहिन के राज्य के बने के बाद रमन सिंह के नेतृत्व ल जनता ह स्वीकार करिस हे। गोयल छत्तीसगढ़ चैंबर ऑफ कॉमर्स अउ CSICD के संयुक्त संवाद कार्यक्रम म बोलत रहिन हे। उमन ह मुख्यमंत्री डॉ रमन सिंह बर लोगन ल खड़े करवा के ताली बजवाइस।
अपन संबोधन म उमन कहिन के सीएम रमन सिंह उद्योग, व्यापार समेत आम लोगन के समस्या बेहतर तरीका से सुनथे। पंडित दीनदयाल उपाध्याय के सपना ल छत्तीसगढ़ ह पूरा करिस हे। केंद्रीय मंत्री ह कहिन के अंतिम व्यक्ति तक अंत्योदय पहुंचाय के कार्य रमन सिंह ह करिन हे। छत्तीसगढ़ म विकास के दर अन्य कतको राज्य मन ले काफी तेज हे।
गोयल ह कहिन के रेल के मामला म भी छत्तीसगढ़ म बेहतर कार्य होय हे। रेलवे म निवेस के मामला म घलो छत्तीसगढ़ के योगदान बेहतर हे। छत्तीसगढ़ म खनिज के भंडार हवय, इहां रेलवे के विस्तार के बेहतर संभावना हे। उमन ह कहिन के छत्तीसगढ़ म विकास के प्रबल संभावना हे। केंद्र के एक-एक मंत्री ह छत्तीसगढ़ के विकास बर प्रतिबद्ध हवय।
कार्यक्रम म मौजूद मुख्यमंत्री डॉ रमन सिंह ह कहिन के पीयूष गोयल ऊर्जा ले परिपूर्ण हे, उमन समस्या मन ल का तत्काल निराकरन करत हे। जादा बेभाग हो. के बाद घलो मुस्कुरात रहत हे। 15 मिनट म बड़ ले बड़ चरचा निपटा देथे। उमन कहिन के 13 सौ किमी रेललाइन के विस्तार होवत हे, 60 बछर के विसंगति मन ल पूरा करे के ये महत्वपूरन निरनय हे। मुख्यमंत्री ह कहिन के आज व्यापारी मन तनावमुक्त होगे हे।
येकर ले पहिलि केंद्रीय वित्त मंत्री पीयूष गोयल ह चैंबर के पदाधिकारी मन ले मुलाकात करिन हे। उमन ह 6 अन्य व्यापारिक संगठन मन ले घलो मिलिन। ये दउरान जीएसटी के सरलीकरन के लेके होय चरचा। रेलवे के अधिकारी मन ले घलो उंखर चरता होइस। रेल लाइन विस्तार म घलो चरचा होइस। केंद्रीय मंत्री ह SECL के अधिकारी मन के घलो बइठक लीस।