पुलिस हेडक्वार्टर म केंद्रीय परामर्सदात्री समिति के अहम बइठक

रायपुर। पुलिस हेडक्वार्टर म केंद्रीय परामर्सदात्री समिति के अहम बइठक आयोजित करे गिस। बइठक म आलाधिकारी मन के संग-संग जिल मन के एसपी, बटालियन अउ यूनिट के कमांडेंट, जवान मवजूद रहिन। ये दउरान कई अहम फइसल घलो लिय गिस।
बइठक म तय करे गिस के पुलिस परिवार बर दुर्ग अउ बिलासपुर म सामुदायिक केंद्र बनाय जाही। येखर संग पुलिस कर्मचारी मन के लइका मन के देय जाय वाले सिक्छा निधि के रासि म बढ़ोत्तरी करे के फइसला लेय गिस। ये फइसला ले पुलिसवाला के परिवार के दू लइका मन ल फायदा मिलही।येखर संग ही सिक्छा निधि म तीन हजार लेके पच्चीस हजार रुपिया तक बढ़ोत्तरी होही। येखर संग ही परोपकार निधि ले सामान्य मउत के बखत देय जाय वाले रकम ल पचास हजार ले बढ़ाके एक लाख रुपिया कर दे गिस हे।
बइठक म फइसला लेय गिस के पुलिसकर्मी मन के भत्ता म बढ़ोत्तरी के संबंध म प्रस्ताव बनाके सरकार ल भेजे जाही। येखर अलावा पुलिस कर्मी मन के जर्जर हो चुके मकान मन के मरम्मत घले प्राथमिकता के आधार म करे जाही।
बढ़गे सहायता रासि
शहीद परिवार मन ल दे जाय वाले सहायता रासि चार लाख ले बढ़ाके पांच लाख करे गिस। येखर संग प्राकृतिक आपदा अउ बेमारी के बेरा संकट निधि ले देय जाय वाले रकम चालीस हजार ले बढ़ाके एक लाख रुपिया कर दे गिस हे। पुलिस एसपी, कमांडेंट अउ आईजी के वेलफेयर फंड म घलो बढ़ोत्तरी करे गिस हे। एसपी के फंड ल बढ़ाके एक लाख रुपिया अउ आईजी के फंड के बढ़ाके ढाई लाख रुपिया किय गिस हे।