Corona : देश म बीते 24 घंटा म सामने आय हे 1.14 लाख नवा मरीज, पढ़व

जय जोहार…. देश म बीते 24 घंटा म कोरोना (Corona) के 1.14 लाख ले जादा नवा मरीज सामने आय हे। उहचे 1 लाख 89 लाख 089 मरीज ल बने होय के बाद अस्पताल ले डिस्चार्ज कर दे गे है।जबकि उपचार के दौरान 2677 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 1 लाख 14 हजार 460 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 88 लाख 09 हजार 339 हो गे हे। जेमा ले 14 लाख 73 हजार एक्टिव मामला हे।

उहचे 2 करोड़ 69 लाख मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 3 लाख 46 हजार 759 संक्रमित के जान चले गे हे।