ए जिला के खारे पानी ले प्रभावित दू गांव म शुद्ध पेयजल उपलब्ध कराय ल 1.44 करोड़ स्वीकृत
जय जोहार…. छत्तीसगढ़ शासन के तरफ ले ग्रामीण क्षेत्र म बेहतर शुद्ध पेयजल व्यवस्था ल सुनिश्चित करे जावत हे। बेमेतरा जिला के खारे प्रभावित ग्राम डंगनिया अऊ घिवरी ल साजा समूह जल प्रदाय योजना ले जोड़े जावत हे। एखर बर राज्य सरकार के तरफ ले एक करोड़ 43 लाख 99 हजार रूपिया स्वीकृत करे गे हे।
लोक स्वास्थ्य यांत्रिकी विभाग, महानदी भवन ले प्रमुख अभियंता लोक स्वास्थ्य यांत्रिकी विभाग इंद्रावती भवन, नवा रायपुर ल कार्य पूरा कराय ल ग्राम डंगनिया बर 64 लाख 17 हजार रूपिया अऊ ग्राम घिवरी बर 79 लाख 82 हजार रूपिया के प्रशासकीय स्वीकृति ल साजा समूह जल प्रदाय योजना म सम्मिलित करे बर दे गे हे। ए गांव ल जल प्रदाय योजना ले जुड़ जाय म इहां के निवासी मन बर शुद्ध पेयजल के आपूर्ति होही। अधिकारी मन ल जय प्रदाय योजना के कार्य ल उच्च गुणवत्ता के संग करे के निर्देश दे गे हे।
