corona : देस म पिछले 24 घंटा म मिले हे कोरोना के 1 लाख 49 हजार नवा मरीज, 1072 के होगे मउत
जय जोहार…. देस म पिछले 24 घंटा म कोरोना (corona ) के 1 लाख 49 हजार नवा मरीज सामने आय हे। उहें 2 लाख 46 हजार मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 1072 मरीज के मउत हो गेहे।
केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 1 लाख 49 हजार नवा मामला मिले हे। एला मिलाके देस म कोरोना मरीज मन के संख्या ह 4 करोड़ 19 लाख हो गेहे। जेमा ले 14 लाख 35 हजार ले जादा एक्टिव मामला हे।
उहें 4 करोड़ ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 5 लाख ले जादा के मउत हो गेहे।
