corona : देस म पिछले 24 घंटा म होय हे कोरोना के 1 लाख 69 हजार नवा मरीज के पहचान, 1005 मरीज के होगे मउत
जय जोहार…. देस म पिछले 24 घंटा म कोरोना (corona ) के 1 लाख 69 हजार नवा मरीज सामने आय हे। उहें 2 लाख 58 हजार मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 1005 मरीज के मउत हो गेहे।
केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घंटा म कोरोना (corona ) के 1 लाख 69 हजार नवा मामला मिले हे। एला मिलाके देस म कोरोना मरीज मन के संख्या ह 4 करोड़ 18 लाख ले जादा हो गेहे। जेमा ले 15 लाख 25 हजार ले जादा एक्टिव मामला हे।
उहें 3 करोड़ 97 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 98 हजार के मउत हो गेहे।
