corona : देस म पिछले 24 घंटा म सामने आय हे 1 लाख 93 हजार ले जादा नवा मामला

जय जोहार…. देस म कोरोना के नवा मामला सरलग बाढ़त जात है। देस म पिछले 24 घंटा म कोरोना (corona ) के 1 लाख 93 हजार नवा मरीज सामने आय हे। उहें 60182 मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 442 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 1 लाख 93 हजार केस मिले हे। एला मिलाके देस म कोरोना मरीज मन के संख्या ह 3 करोड़ 60 लाख ले जादा हो गेहे। जेमा ले 9 लाख 48 हजार एक्टिव मामला हे।

उहें 3 करोड़ 46 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 84 हजार 655 मरीज के मउत हो गेहे।