जय जोहार…. (Corona) प्रदेश म बीते 24 घंटा म कोरोना के 1000 नवा मामला मिले है। वहीं 208 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 10 संक्रमित के मौत हो गे हे।
पिछिले 24 घंटा म जेन कोरोना (Corona) के नवा मरीज सामने आय हे, ओमा दुर्ग ले 345, रायपुर ले 321, बिलासपुर ले 93, राजनांदगांव ले 28, धमतरी अऊ सरगुजा ले 23, कोरिया अऊ जशपुर ले 19-19, महासमुंद ले 17, बलौदाबाजार अऊ रायगढ़ ले 16-16, कोरबा ले 13, बस्तर, गरियाबंद अऊ बालोद ले 8-8, गौरेला-पेंड्रा-मरवाही ले 7, बीजापुर, कांकेर अऊ सूरजपुर ले 4-4 सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 24 हजार 153 हो गे हे। जेमा ले 8442 एक्टिव मामला है। उहचे 3 लाख 11 हजार 761 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3950 लोगन मन के मौत हो गे हे।
